Ritskoðun á moggablogginu

Kæru bloggarar!

Frá og með 1. janúar næstkomandi verður einungis hægt að blogga um fréttir á mbl.is ef fullt nafn bloggara birtist á bloggsíðu hans. Bloggarar geta eftir sem áður bloggað undir stutt- eða gælunafni, en fullt nafn viðkomandi þarf að koma fram á höfundarsíðu til þess að möguleikinn að blogga um fréttir sé til staðar.

Sú breyting verður einnig á að blogg þeirra sem ekki eru með fullt nafn sýnilegt á höfundarsíðu mun ekki birtast á forsíðu blog.is eða á öðrum síðum mbl.is.

Þessi breyting er að ákvörðun ritstjórnar mbl.is, en einnig hafa borist tilmæli frá talsmanni neytenda. Á næstunni verður sendur póstur til bloggara með leiðbeiningum hvernig þeir geta birt fullt nafn á höfundarsíðu bloggsins. Langstærstur hluti bloggara birtir þegar nafn sitt og því hefur þetta áhrif á lítinn hluta bloggara.

Þessi skilaboð hér fyrir ofan fékk ég frá blog.is

Þarna er verið að ritskoða þá sem ekki blogga undir fullu nafni, allavega verður tekið fyrir að viðkomandi geti bloggað við fréttir og sagt skoðun sína. - Margar ástæður geta verið fyrir því að fólk skrifi ekki undir fullu nafni.

Ég veit um nokkra sem urðu fyrir aðkasti vegna skoðanna sinna, einn missti vinnuna. Einn þurfti að skipta um símanúmer því einhver sem var honum ósammála um visst málefni hringdi stanslaust í hann á nóttunni.

Þrátt fyrir þetta vildu Þessir aðilar ekki hætta að blogga, þannig að þeir blogguðu undir dulnefni. Núna hefur moggabloggið ritskoðað þessa aðila sem aldrei hafa verið með skítkast á blogginu eða nein leiðindi við nokkurn mann.

Þetta er aðför að bloggurum og eigi moggabloggið skömm fyrir!

Athugasemdir

[Már Högnason (IP-tala skráð) 22.12.2008 kl. 17:40]

Þú veist ekki einu sinni hvað ritskoðun er!

[ThoR-E, 22.12.2008 kl. 17:44]

Hvað veist þú um það Már, hvað ég veit og veit ekki ??

[ThoR-E, 22.12.2008 kl. 17:44]

Ef það eina sem þú hefur um málið að segja er hvernig ég orða hlutina, slepptu því þá frekar að setja inn athugasemdir.

[BB (IP-tala skráð) 22.12.2008 kl. 17:50]

Moggabloggið hefur verið með ritskoðunartilburði lengi.

Bloggum hefur verið lokað því sá sem hana átti var með "rangar" skoðanir.

Bloggurum hefur verið bannað að blogga við fréttir því það hefur "rangar" skoðanir.

Núna á að banna nafnlausum bloggurum að blogga við fréttir því það er "rangt" .

Ég kalla þetta ritskoðun.

[Anna (IP-tala skráð) 22.12.2008 kl. 18:05]

Lélegt af blogg.is

og þeir setja ekki neinar skýringar með.

[Óskar Helgi Helgason (IP-tala skráð) 22.12.2008 kl. 18:06]

Heill og sæll; Ace, og velkominn, í spjallvinahóp minn !

Tek undir; með ykkur BB, heilshugar. Sætti þröngsýni Rauðvetninga, í vor, þá ég pundaði hressilega, á Múhameðs dýrkunina, hjá allt of mörgum Íslendinga, meðal annars, á Mbl síðum.

Með baráttukveðjum /

Óskar Helgi Helgason

[ThoR-E, 22.12.2008 kl. 18:07]

Takk og sömuleiðis Óskar :)

[Bara Steini, 22.12.2008 kl. 19:59]

Svona er þegar borgurum vex hugrekki. Þá er best að hafa þá alla i nafnmerktum rúmum.....

[Bara Steini, 22.12.2008 kl. 20:00]

Fynda er að við höfum opna þjóðskrá þanning að hver veit hver er.....

[Heiður Helgadóttir, 22.12.2008 kl. 20:59]

Meiri dellan, en margir af þeim sem að blogga undir fullu nafni virðast hafa mikið á móti þeim sem að blogga undir gælunafni.

[Hlédís, 22.12.2008 kl. 22:20]

Mikið Obbosslega verður þetta mikið AÐHALD fyrir alla jónana, gunnurnar og siggana ;)

Kveðja, Hlérún Guðmannsdóttir,  Geirssonar og þeirra bræðra sem þar bjuggu lengi!

[Árni Gunnarsson, 23.12.2008 kl. 17:53]

Mér er ósárt um það þó tekið verði fyrir ávörp á borð við "ógeðslega brundkunta" frá einhverjum ræflum sem skýla sér bak við nafnleynd. Þetta smekklega tilfelli er aðeins eitt af mörgum sem borið hefur fyrir augu hér á bloggi annars fólks.

[Árni Gunnarsson, 23.12.2008 kl. 17:59]

Mér er ósárt um það þó athugasemdir á borð við:"ógeðslega brundkunta" séu fjarlægðar af þessum miðli. Þetta er eitt af mörgu álíka sem nafnlausir ræflar og siðlausir ruddar hafa sett inn á síður fólks undir nafnleyndinni marglofuðu.

[ThoR-E, 23.12.2008 kl. 22:13]

Takk fyrir ykkar athugasemdir, tek undir þær flestar.

Árni, ég get ekki tekið ábyrgð á ruddakjafti annara, blog.is getur lokað fyrir þá sem haga sér þannig.

Afhverju á þetta að bitna á þeim sem blogga um hitt og þetta, segja skoðanir sínar á fréttum ... eru aldrei með leiðindi né skítkast. Semsagt .. afhverju á þetta að bitna á mér??

Frábær jólagjöf frá moggablogginu. Takk kærlega og gleðileg jól.

[ThoR-E, 23.12.2008 kl. 22:14]

Nákvæmlega Hippó!! ... er algjörlega sammála athugasemd þinni.

[Skattborgari, 24.12.2008 kl. 00:00]

Það eru líka margir sem eru undir nafni sem eru með skítkast af hverju ekki að loka á alla? Það á bara að gefa 3 viðvaranir og ef þeim er ekki sinnt þá er lokað á aðilann eða tekið af honum að geta bloggað um fréttir og sjást í listum og þeir sem fara eftir reglum geta þá bloggað óhindrað óháð hvort þeir eru undir nafni eða ekki.

Ég get ekki séð hvað þetta kemur umboðsmanni neytenda við.

Ég held að ástæðan fyrir banninu sé að mbl sé rekið með tapi og það sé verið að reyna að minnka umferðina til að það sé hægt að minnka bandvíddina i sparnaðarskyni.

Kveðja Skattborgari.

[Árni Gunnarsson, 24.12.2008 kl. 14:49]

Kannski hef ég misskilið ábyrgðarmann bloggsins eitthvað. Nú sé ég t.d. að það er talað um "bloggað um fréttir á mbl.is." Mér sýnist nú ekki sérstök ástæða til meiri viðkvæmni í því efni en öðrum. En þeir sem ég átti við eru persónur sem ráðast inn á bloggsíður fólks sem þeim er af einhverjum ástæðum- t.d. politískum- í nöp við, koma inn einu sinni og þá undir nafnleynd. Ég átti ekki við bloggarana sem nota nafnleynd á sínum eigin bloggsíðum. Þeir gefa færi á því að verða látnir sæta ábyrgð ef þeim verður á í þessum efnum.

Annars snýst þetta mál einfaldlega um lágmarks mannasiði. Þeir sem höndla ekki svo einfalda samskiptahætti eru auðvitað ekki svaraverðir.

[Hörður Halldórsson (IP-tala skráð) 24.12.2008 kl. 20:53]

vildi gjarnan setja mynd af mér því ég á 4-5 alnafna ,þarf að laga það,ég vill standa undir mínum kómenntum.þarf að fá sér fróðan mann að lóðsa mig í því að setja inn mynd o fl.

[Tiger, 24.12.2008 kl. 22:50]

Vildi bara óska þér og þínum gleðilegra jóla. Megi guð og gæfa fylgja þér og öllu þínu fólki inn í framtíðina.

P.s. ég er sko ekki ánægður með þá ákvörðun aðstandenda Mbl.is að afmá blogg mitt/nafnlausra af yfirborði Mbl.is ... finnst þetta afturför!

[Árni Gunnarsson, 25.12.2008 kl. 13:12]

Ég sé ekkert athugavert við marg-úthrópaða tillögu Steingríms J. hvað varðar varnir gegn dreifingu á barnaklámi og öðrum slíkum sóðaskap og sadisma. Og ég veit ekki betur en að þess háttar gæsla sé í gangi víðast hvar í heiminum.

En auðvitað megum við ekki taka mark á umferðarlögreglu ef þar er um að ræða félaga úr VG.

Gleðileg jól!

[ThoR-E, 25.12.2008 kl. 15:12]

Sömuleiðis Tiger :)

Ég skil ekki Árni, hvað þetta kemur því við hvort ég geti bloggað við fréttir og/eða eigi eftir að sjást á blog.is í listunum þar.

Það er verið að reyna að neyða alla til að vera undir fullu nafni, annars á síða þeirra ekki eftir að sjást neinstaðar... og einungis bloggvinir sjá síðuna í stjórnborðinu hjá sér og í bloggvina listanum.

Mikil afturför hjá blog.is/mbl.is

[Vilhjálmur Örn Vilhjálmsson, 27.12.2008 kl. 19:57]

Ég mun sakna ykkar. Ég er á móti svona gerræði. Þeir nafnlausu eiga líka að hafa réttindi. Ég mótmæli vondi Moggi, ég mótmæli! Þetta var algjörlega ónauðsynlegt. Þetta var mannréttindabrot, þjóðarmorð, fjöldamorð og nauðgun.

Oftast nær hafa verið góðir menn á bak við þá nafnleysingja sem ég hef boðið velkomna á síðum mínum. Hinir, sem hella úr skjóðum haturs síns, undir nafnleysi, eiga bágt. En þá gat ég alltaf lokað á, þegar mér sýndist.

Ég vona að Mogginn endurskoði þessa ákvörðun sína.

[Óskar Arnórsson, 28.12.2008 kl. 17:04]

Fjölmiðlar á íslandi eru meira eða minna ritskoðaðir. Ég blogga á sænsku bloggi og ég ráðlegg ENGUM að koma undir nafni.

Menn gætu orðið fyrir árásum út á götu fyrir það sem þeir segja á blogginu...enn blaðið verður að hafa nafnið og alvarlegar hótanir og mjög miklar persónuárásir eru kærðar beint til lögreglu...

Það eru harkalegri viðræður á því bloggi enn hérna á mbl alla vega...

[Sævar Einarsson, 28.12.2008 kl. 17:11]

Ég skrifaði færslu um þessa ritskoðun hérna og síðan sendi persónuvernd bréf um fyrirætlanir mbl.is. Það sem mér finnst stórkostlega undarlegt er að Morgunblaðið er stórskuldugt fyrirtæki og þarf á auglýsingartekjum að halda, fréttabloggið er STÓR partur af vinsældum mbl.is og þaðan hafa þeir tekjur af ýmiskonar auglýsingum, það er engu líkara en að stjórnendur Árvakurs vilji setja fyrirtækið á hausinn með þessum kjánalegum aðgerðum því þetta mun minnka vinsældir síðunnar til muna og leiða af sér minnkandi auglýsingartekjur.

[Sævar Einarsson, 28.12.2008 kl. 17:14]

Nei hættu nú alveg ! þér misbýður ritskoðun mbl.is en ritskoðar svo sjálfur ?

"Athugasemdin birtist eftir að höfundur færslunnar hefur samþykkt hana."Það er ekki hægt að réttlæta svona Ace !

[ThoR-E, 29.12.2008 kl. 19:58]

Allar athugasemdir sem skrifaðar hafa verið ... hafa birst.

Ég var ekki við tölvuna í 2 daga og ákvað að setja þetta á.. því það var hálfgerður vitleysingur sem var að setja inn leiðinlegar og dónalegar athugasemdir á bloggið mitt.

þannig að... ritskoðun sævar??? neeh.. held ekki.

[ThoR-E, 29.12.2008 kl. 19:59]

Og það er þónokkur munur á því að reyna að losna við leiðindi frá einhverjum bloggara... sem er með dónaskap.

Eða þá að gera nafnlausa bloggara nafnlausa og að blogg þeirra geti ekki birst neinstaðar.

Ekki satt?